İnsana ən çox bənzəyən robot görənləri çaş-baş salır
Yaponiyanın Osaka Universitetində hazırlanan və ötən gün təqdim edilən android, insana bənzərliyi ilə görənləri heyrətə gətirib.
Daha
əvvəl insan görünüşlü bir çox robot istehsal edən professor Hiroşi
İşiquro tərəfindən hazırlanan bu robotun hərəkətləri daha əvvəlkilərlə
müqayisədə xeyli təbiidir.
Uzun
qara saçı olan robot təqdimat zamanı model olaraq istifadə edilən 20
yaşlı bir qızın gülümsəmə, əsəbiləşmə kimi bütün duyğularını təqlid
edir.
Üzü
sintetik dəridən olan və bir xəstəxanada sınaq məqsədi ilə xəstələri
müşaiyyət etməsi hədəflənən robota "Ceminoid-TMF" adı verilib. Robotu
təxminən 100 min dollara əldə etmək olar.
|